Xheneta Fetahu ka bërë të ditur përmes rrjeteve sociale se ka kaluar një ndërhyrje kirurgjikale, duke ndarë me ndjekësit gjendjen e saj shëndetësore pas operacionit.
Në postimin e publikuar, ajo ka falënderuar të gjithë ata që e kanë kontaktuar dhe janë shqetësuar për shëndetin e saj, ndërsa një falënderim të veçantë ia ka drejtuar mjekut që u kujdes për të, duke theksuar se falë ndërhyrjes së tij i është rikthyer frymëmarrja.
Fetahu ka njoftuar se aktualisht është e lodhur dhe ka ende ënjtje në sy, ndaj nuk po e përdor shpesh telefonin, por ka shprehur mirënjohje për mbështetjen dhe mirëkuptimin e treguar nga publiku.
Postimi i saj ka marrë reagime të shumta pozitive dhe urime për shërim të shpejtë./press7.tv
