Zv/ministri i Punëve të Brendshme ka reaguar pas incidentit të ndodhur në Kumanovë gjatë shënimit të Ditës së Flamurit, ku disa persona kanë shkelur rregullat dhe kanë cenuar rendin publik.
Sipas tij, policia ndërhyri në kohë dhe në përputhje me ligjin, duke theksuar se veprimi është realizuar pa dallim etnik dhe se çdo qytetar trajtohet në mënyrë të drejtë dhe të barabartë.
Ai ka bërë të ditur se procedurat ligjore për rastet e konstatuara tashmë janë duke vazhduar, ndërsa MPB mbetet e përkushtuar në ruajtjen e sigurisë dhe qetësisë për të gjithë qytetarët.
Zv/ministri ka rikujtuar se respektimi i ligjit është detyrim për secilin dhe se nuk do të tolerohen veprime që nxisin tensione apo përçarje.
Në fund, ai ka uruar Festat e Nëntorit, duke theksuar rëndësinë e festimit me qetësi, paqe dhe respekt ndaj njëri-tjetrit./press7.tv
