Në Moranë të Komunës së Studeniçanit, ka nisur një projekt i rëndësishëm infrastrukturor, i cili synon të përmirësojë ndjeshëm jetën e banorëve dhe mbrojtjen e mjedisit. Këtë lajm e ka bërë të ditur zv/kryeministrit të parë dhe ministri i Ekologjisë dhe Planifikimit Hapësinor, Izet Mexhiti, po realizohet ndërtimi i rrjetit të kanalizimit për ujërat e zeza, me një investim prej mbi 6.7 milionë denarësh.
Po e sjellim zhvillimin aty ku për vite është harruar,” theksoi Mexhiti, duke nënvizuar se ky projekt nuk është i vetmi, por pjesë e një plani më të gjerë për të transformuar çdo lagje e fshat në vendbanime të denja për jetë.
Projekti pritet të ketë ndikim të drejtpërdrejtë në përmirësimin e kushteve higjieno-sanitare dhe në mbrojtjen e resurseve natyrore të zonës.
“Askush nuk duhet të mbetet pas,” deklaroi ministri, duke theksuar se investimet e tilla do të vazhdojnë, veçanërisht në zonat që kanë qenë të lëna pas dore për dekada.
Ky është një tjetër hap i rëndësishëm drejt një zhvillimi të barabartë dhe të qëndrueshëm në të gjitha komunat e vendit
