Eron Beluli, anëtar i Kryesisë së degës së Aleancës për Shqiptarët dhe pjesë e Departamentit për Kulturë dhe Turizëm, ka dhënë dorëheqje nga të gjitha funksionet dhe angazhimet brenda kësaj partie.
Në një deklaratë publikuar në Facebook, Beluli shpjegon se vendimi vjen si pasojë e politikave të fundit që, sipas tij, rrezikojnë rikthimin e Bashkimit Demokratik për Integrim (BDI) në pushtet – një strukturë që, siç thotë ai, “për vite me radhë ka kontribuar në keqqeverisje, mungesë transparence dhe bllokim të progresit të shqiptarëve në Maqedoninë e Veriut.”
Beluli theksoi se angazhimi i tij politik do të vazhdojë në kuadër të VLEN-it.
Ja postimi i plote:
“Deklaratë për dorëheqje,
Si anëtar i Kryesisë së degës Aleancës për Shqiptarët dhe pjesë e Departamentit për Kulturë dhe Turizëm, deklaroj dorëheqjen time nga të gjitha funksionet dhe angazhimet në kuadër të kësaj partie.
Ky vendim vjen si pasojë e politikave të fundit që, sipas bindjes sime personale dhe profesionale, rrezikojnë ta rikthejnë Bashkimin Demokratik për Integrim (BDI) në pushtet – një strukturë politike që për vite me radhë ka kontribuar në keqqeverisje, mungesë transparence dhe bllokim të progresit të shqiptarëve në Maqedoninë e Veriut.
Angazhimi im politik do të vazhdoje në kuadër të VLEN-it.“
