Të martën në mbrëmje (20.45) do të jetë festë futbolli në stadiumin “Fadil Vokrri” në Prishtinë.
Zvicra ka përparësinë e madhe në renditje të Grupit B përveç tre pikë edhe goldallimin shumë më të mirë se Kosova.
Zvicra kryeson me 12 pikë e goldallim 13:1, duke lënë pas Kosovën me 10 pikë e goldallim (5:4).
Zviceranët i frikësohen në një formë deklaratës së Granit Xhakës pas fitores me rezultat 4:1 ndaj Suedisë.
““Është 15 nëntori, dita kur vendasi i Baselit feston në fitoren 4:1 kundër një Suedie që në fund të fundit nuk pati fat.
Në të njëjtën ditë 16 vjet më parë, Xhaka bëri histori: ai e udhëhoqi ekipin zviceran U-17 drejt titullit të Kupës së Botës”, shkruan ndër të tjera media zvicerane.
“Kam parë dhe përjetuar shumë gjëra. Ne pothuajse e kemi siguruar kualifikimin.
Do të donim shumë ta festonim sot këtë arritje.
Por ajo që ka treguar Kosova deri tani, vërtet meriton respekt.
Sigurisht, atyre u duhet një fitore 6:0, por prapë nuk mund ta marrim këtë ndeshje si të lehtë”, ka thënë Xhaka. Kjo deklaratë e Xhakës i frikëson zviceranët.
“Do të ishte me të vërtetë një debakël historik që do të shkaktonte një senzacion ndërkombëtar”, shkruan media zvicerane.
“Urime të parakohshme? Ai refuzon me mirësjellje.
Një festë? Kjo mund të ndodhë vetëm pasi të sigurohet kualifikimi”, – shkruan ndër të tjera media zvicerane.
Shqiptari me shtetësi britanike vdes pas implantimit të dhëmbëve dhe të mb…
Botasot.info
“Pavarësisht të gjitha lëvdatave të tij për performancën e Kosovës, Xhaka nuk beson se skuadra e tij do të pësojë një humbje shkatërruese”, komenton media zvicerane.
“Duhet ta mposhtësh Zvicrën 6:0 së pari. Dhe nëse ia dalin, është faji ynë”, tha Xhaka.
“Xhaka mund të arrijë Shaqirin dhe Behramin. Xhaka do të dijë si ta parandalojë këtë.
Sidomos pasi ai është i vetëdijshëm se histori të tjera përveç një dështimi spektakolar mund të shkruhen në Prishtinë. Ai mund të sigurojë paraqitjen e tij të katërt në finalet e Kupës së Botës.
