Ministria e Mbrojtjes ka njoftuar se së shpejti do të hapet konkursi për rekrutimin e 320 ushtarëve të rinj në Forcën e Sigurisë së Kosovës.
Ky konkurs do të hapet nga data 2 deri në 27 mars 2026.
Të drejtë aplikimi kanë shtetasit e Republikës së Kosovës, nga mosha 18 deri në 25 vjeç, të cilët kanë përfunduar shkollimin e mesëm.
Sipas Ministrisë, kandidatët duhet të plotësojnë kriteret si: gjendja e mirë fizike dhe shëndetësore, figurë të pastër morale dhe ligjore, përkushtim për të shërbyer me dinjitet dhe profesionalizëm.
Testimet për ushtar përfshijnë testin fizik, testin e inteligjencës, testi i njohurive të përgjithshme, ekzaminimi shëndetësor dhe intervista.
Forca e Sigurisë së Kosovës (FSK) mbron sovranitetin dhe integritetin territorial, qytetarët, pronën dhe interesat e Republikës së Kosovës. FSK-ja është forcë ushtarake multietnike, profesionale, e armatosur dhe e autorizuar për të shërbyer në vend dhe jashtë vendit- në pajtim me kompetencat e dhëna kushtetuese dhe ligjore.
