Këshilltari politik i kryeministrit Albin Kurti, Elvis Hoxha, ka reaguar pas rezultateve të fundit të zgjedhjeve lokale, ku Lëvizja Vetëvendosje ka shënuar rritje të dukshme duke kaluar nga 4 në 7 komuna të fituara.
Në një status në Facebook, Hoxha ka theksuar se Vetëvendosja është një fenomen politik që nuk mund të krahasohet me askënd tjetër përveç vetes. “Lëvizja Vetëvendosje krahasohet vetëm me veten. Të tjerët duhet të bashkohen për të mbetur në garë,” ka shkruar ai, duke nënvizuar se forcat opozitare po përpiqen të mbijetojnë përballë fuqizimit të VV-së.
Sipas rezultateve të fundit, balanca politike në nivel komunal paraqitet kështu:
• Lëvizja Vetëvendosje (VV): 7 komuna
• Lidhja Demokratike e Kosovës (LDK): 7 komuna
• Partia Demokratike e Kosovës (PDK): 6 komuna
• Aleanca për Ardhmërinë e Kosovës (AAK): 5 komuna
• Nisma Socialdemokrate: 1 komunë
• Ramiz Lladrovci (i pavarur): 1 komunë
• KDTP: 1 komunë
Ky rezultat e vendos Vetëvendosjen në një nivel të ri politik, duke konsoliduar pozitën e saj si forca kryesore e majtë dhe duke forcuar bazën e saj në disa komuna kyçe të vendit./press7.tv
