Aktori, regjisori dhe pedagogu i njohur Vebi Qerimi është nderuar me çmimin për vepër jetësore, si vlerësim për kontributin e tij shumëvjeçar në teatër, film dhe edukimin artistik.
I lindur në vitin 1955 në Kumanovë, ai diplomoi në Fakultetin e Arteve Dramatike në Shkup në vitin 1979, në klasën e profesorit dhe regjisorit Ljubisha Georgievski. Që nga viti 1980 ishte pjesë e Teatri Shqiptar – Shkup, ku veproi deri në pensionimin e tij në vitin 2022.
Gjatë karrierës së tij artistike realizoi mbi 100 role teatrore, ndërsa kritika teatrore vlerësoi lart interpretimet dhe kreativitetin e tij skenik. Përveç aktrimit, ai u angazhua edhe në regji, duke sjellë në skenë një numër të madh shfaqjesh në teatrot shqiptare dhe projekte të pavarura.
Në periudhën 1995–1999 ishte bashkëpunëtor i jashtëm në Fakultetin e Arteve Dramatike pranë Universitetit “Shën Kirili dhe Metodi” në Shkup, ndërsa nga viti 1999 deri më 2011 ligjëroi si profesor i lojës skenike në Universiteti i Tetovës.
Ai ka lënë gjurmë edhe në kinematografi me role në filma dhe seriale të njohura si Prašina, Nashe Maalo dhe Evladija Rumelija.
Ndër rolet më të njohura teatrale të tij janë interpretimet në veprat Kaligula, Hamleti, Mbreti Lir dhe shumë shfaqje të tjera.
Për kontributin e tij artistik është nderuar me disa çmime dhe mirënjohje, përfshirë Plaketën e Artë të Teatri Shqiptar – Shkup, çmimin për karrierë në festivalin “Etnofest” në Kosovë dhe çmimin e publikut në festivalin “Kufest” në Kumanovë.
