Forca e Sigurisë e Kosovës vazhdon të dëshmojë përkushtimin e saj në ngritjen e kapaciteteve profesionale dhe zhvillimin e lidershipit, përmes programeve të avancuara të trajnimit dhe edukimit ushtarak.
Në këtë kuadër, Komanda e Doktrinës dhe Stërvitjes ka përmbyllur me sukses certifikimin e dy kurseve të rëndësishme për përgatitjen e kuadrove udhëheqëse, duke shënuar një hap të rëndësishëm drejt forcimit të aftësive operacionale, vendimmarrëse dhe menaxheriale të pjesëtarëve të saj në përballje me sfidat bashkëkohore të sigurisë.
Njoftimi i plotë:
Në kuadër të zhvillimit profesional dhe ngritjes së kapaciteteve udhëheqëse, në Komandën e Doktrinës dhe Stërvitjes ka përfunduar me sukses certifikimi i dy kurseve të rëndësishme: Kursi për lider të avancuar “Gjenerata 17-2026” dhe Kursi për lider luftarak “Gjenerata 24-2026”.
Këto kurse përfaqësojnë një hap të rëndësishëm në përgatitjen e kuadrove për përballimin e sfidave bashkëkohore, duke forcuar aftësitë e lidershipit, vendimmarrjes dhe menaxhimit në situata komplekse operacionale dhe taktike.
Gjatë realizimit të tyre, pjesëmarrësit kaluan nëpër një proces intensiv trajnimi, duke zhvilluar aftësi praktike dhe teorike të nevojshme për udhëheqje efektive në çdo nivel të përgjegjësisë.
Përmes këtij certifikimi, pjesëmarrësit dëshmuan përkushtim, profesionalizëm dhe gatishmëri për të marrë përgjegjësi më të larta në shërbim të misionit.
KDS-i mbetet e përkushtuar në zhvillimin e liderëve të aftë, të disiplinuar dhe të përgatitur për sfidat e së ardhmes.
