Gjeneralët e rinj të Forcës së Sigurisë së Kosovës, Arife Halili, Astrit Haliti dhe Mehmet Lladrovci, të cilët u graduan së fundi, tashmë kanë marrë edhe detyrat e reja në kuadër të FSK-së.
Dekretet për emërimin e tyre janë nënshkruar nga ushtruesja e detyrës së Presidentes së Republikës së Kosovës, Albulena Haxhiu.
Sipas dekreteve, Gjeneral Brigade Arife Halili është emëruar Drejtor i Drejtorisë së Burimeve Njerëzore në Ministrinë e Mbrojtjes.
Gjeneral Brigade Astrit Haliti është emëruar Shef i Shtabit të Shtabit të Përgjithshëm të Forcës së Sigurisë së Kosovës.
Ndërsa Gjeneral Brigade Mehmet Lladrovci është emëruar Komandant i Forcave Tokësore të Forcës së Sigurisë së Kosovës.
Në ditën kur ata u graduan me titullin gjeneral, Haxhiu i kishte uruar tre ushtarakët për avancimin e tyre.
“Urime gjeneralëve të rinj të Forcës së Sigurisë së Kosovës, Arife Halili, Astrit Haliti dhe Mehmet Lladrovci. Jam e bindur që me profesionalizmin, përvojën dhe përkushtimin tuaj do t’i shërbeni me nder dhe me dinjitet Republikës së Kosovës”, kishte shkruar Haxhiu
