Shkup – Zëvendësministri i Punëve të Brendshme i Maqedonisë së Veriut mori pjesë sot në Konferencën e Sigurisë në Shkup, e cila u fokusua në sfidat dhe transformimet që po ndikojnë në mjedisin global të sigurisë.
Gjatë fjalimit të tij, ai theksoi se siguria moderne nuk mbështetet më vetëm në kapacitetet tradicionale, por kërkon gjithnjë e më shumë investime në qëndrueshmërinë digjitale, sigurinë kibernetike dhe aftësinë për t’iu përgjigjur me shpejtësi kërcënimeve të reja.
Sipas zëvendësministrit, Maqedonia e Veriut po punon në mënyrë aktive për forcimin e kapaciteteve në këto fusha përmes reformave institucionale dhe bashkëpunimit të ngushtë me partnerët në NATO dhe Bashkimin Evropian.
Ai vlerësoi se bashkëpunimi, inovacioni dhe investimet e vazhdueshme në sektorin e sigurisë janë elemente kyçe për ndërtimin e një shoqërie më të sigurt, më rezistente dhe më të përgatitur për sfidat e së ardhmes.
