Zëvendëskryeministri i Parë dhe Ministri i Punëve të Jashtme dhe Diasporës, z. Glauk Konjufca, zhvilloi një takim përshëndetës me Ambasadorin e Japonisë në Republikën e Kosovës, Sh. T. Kiminori Iwama, në përfundim të mandatit të tij.
Zëvendëskryeministri Konjufca e falënderoi Ambasadorin Iwama për angazhimin dhe kontributin e tij në avancimin e marrëdhënieve ndërmjet Republikës së Kosovës dhe Japonisë.
Sipas njoftimit të ministrisë, u riafirmua gjithashtu gatishmëria për vazhdimin e bashkëpunimit dhe forcimin e mëtejshëm të marrëdhënieve ndërmjet dy vendeve.
