Një 19-vjeçar nga Strumica, maturant në një nga shkollat e mesme të qytetit, është gjetur i vdekur dje në lokacionin “Kriva Reka”, prapa magazinës së drurit të Ndërmarrjes Pyjore “Bellasica”.
Sipas Prokurores Violeta Millçovska, trupi i pajetë nuk paraqet shenja dhune, ndërsa është dërguar për obduksion dhe analizë toksikologjike për të përcaktuar shkakun e vdekjes.
Policia konfirmon se rasti është paraqitur rreth orës 12:00 dhe hetimet po vazhdojnë në bashkëpunim me Prokurorinë Themelore Publike të Strumicës.
