Nga një takim mes Kryeministrit, Hristian Mickoskit dhe liderëve të VLEN-it,Izet Mexhiti, Billall Kasami dhe Zeqirija Ibrahimi i cili sipas informacioneve nga qeveria u mbajt në një atmosferë “miqësore dhe në frymë partneriteti”ku është diskutuar për reforma të thella, luftë kundër korrupsionit dhe ndërtimin e një modelitë ri qeverisës që do të rikthente besimin e qytetarëve, erdhën reagime të shumta. Kjo sepse teksa bisedimet vazhdonin, një postim i shkurtër në në rrjetin social Facebook nga Arben Taravari – “S’ja VLEN” – mjaftoi për të ndezur tensione dhe për të ndryshuar dinamikën brenda kampit shqiptar në pushtet. Statusi ironik, në dukje i padëmshëm, u lexua si shenjë e pakënaqësisë së tij me rrjedhën e negociatave ose si sinjal për qëllime të tjera politike. Deputeti dhe lideri I LD-së, Izet Mexhiti reagoi menjëherë, duke e akuzuar publikisht Taravarin për hipokrizi dhe për devijim nga misioni që ai vetë kishte pranuar ta udhëhiqte.
“Të ftuam të bëhesh bartës i ndryshimit. U bëre simbol i Revolucionit të Dritave. Edhepse humbës në qytetin tënd, shpërndaje‘Efridol’ për BDI-në.Euforia jote paska qenë vetëm sa për kamerë. Asgjë e sinqertë. Asnjë dritë e vërtetë. Sonte VLEN vendosi – dritat fiken për hipokrizinë. Dyftyrësia… nuk ia VLEN!”, shtoi ai, duke lënë të kuptohet se Taravari po afronte qëndrimet me strukturat që VLEN pretendon t’i luftojë. Me kundërpërgjigje edhe Zeqirija Ibrahimi i Alternativës. Për të në koalicionin VLEN nuk ka vend për ata që nuk kanë ndarje të qartë me të kaluarën politike që përfaqëson BDI.
“Kush nuk e ka të qartë pozicionin, ështëvetë pjesë e problemit,” u shpreh ai.
A është Arben Taravari pjesë e qeverisë? Për momentin, duket se as vetë ai nuk ka marrë një vendim përfundimtar, e as Kryeministri Mickoski nuk ka sjell një vendim. E vetmja gjë e sigurt që mund të nxirret si konkluzion nga zhvillimet e fundit tek partit shqiptare nëpushtet, është se VLEN ka vendosur një vijë të kuqe për Taravarin dhe ai është jashtë saj.
