Një aktiviste mjedisore ka thyer rekordin botëror duke hyrë në librin e famshëm “Guinness”, pasi ka përqafuar për 72 orë një pemë.
Truphena Muthoni, 22-vjeçare, e ka fituar titullin për “maratonën më të gjatë të të përqafuarit një pemë” duke thyer rekordin e mëhershëm i cili ishte 50 orë, dy minuta dhe 28 sekonda i mbajtur nga Frederick Boakye nga Ghana, shkruan Upi.
Muthoni më herët e kishte mbajtur rekordin për përqafimin e një drurit për 48 orë në shkurt të vitit 2025.
“Përpjekja e parë ishte deklaratë, mënyrë për të riprezantuar njerëzimin në Tokë përmes një akti të thjeshtë. Përpjekja e dytë ishte angazhim, qëndrueshmëri dhe provë se kujdesi për planetin nuk është i çastit. Të bëja dy herë ishte mënyra ime për të thënë se veprimi për klimën nuk ishte një ngjarje e njëhershme, por përgjegjësi e qëndrueshme”, ka thënë ajo.
