Analistja Nafie Selmani, e cila kryesisht përkrah politikat e BDI-së, ka reaguar ashpër në rrjetet sociale lidhur me rastin e rëndë të dhunës në Sllupçan. Në reagimin e saj, Selmani i drejtohet në mënyrë përgjithësuese banorëve dhe individëve të zonës, duke lënë të kuptohet se ata po mbrojnë autorët e krimit në emër të ruajtjes së reputacionit të fshatit.
Në postimin e saj, ajo e konsideron këtë qasje si shenjë të një mentaliteti të prapambetur, duke vënë theksin te fakti se, sipas saj, ruajtja e emrit të vendit po vendoset mbi dinjitetin dhe jetën e viktimës. Ky qëndrim ka nxitur reagime, pasi kritika e Selmanit perceptohet si stigmatizim kolektiv i një komuniteti të tërë, pavarësisht se edhe vetë ajo pranon se jo të gjithë banorët e Sllupçanit janë përgjegjës apo përfaqësojnë mendësinë që ajo kritikon.
Kritikët vlerësojnë se adresimi i një ngjarjeje kaq të ndjeshme kërkon kujdes dhe ndarje të qartë mes autorëve të krimit dhe qytetarëve, ndërsa përgjithësimet e tilla, sipas tyre, rrezikojnë të thellojnë ndarjet shoqërore dhe të zhvendosin fokusin nga përgjegjësia individuale te etiketimi kolektiv.
Statusi i plotë:
