Jo vetëm në Sllovaki, por edhe në Kroaci dhe në Bosnje dhe Hercegovinë ka bërë jehonë vendimi i kryeministrit të Kosovës,
Albin Kurti, për t’i shpërblyer futbollistët e Kombëtares së Kosovës në rast se e mposhtin Sllovakinë dhe sigurojnë kualifikimin në Kampionatin Botëror, i cili do të mbahet vitin e ardhshëm.
Media kroate “Tportal” i ka kushtuar një vëmendje të veçantë këtij vendimi, duke theksuar se shpërblimi i shpallur nga kryeministri ka “ndezur atmosferën” dhe ka rritur motivimin te futbollistët e Kosovës para ndeshjes vendimtare.
“Qeveria e Kosovës njoftoi të enjten se do t’i paguajë me çmime të mëdha në para ekipin kombëtar të futbollit nëse kualifikohet për Kupën e Botës në vitin 2026. Kosova fitoi ndeshjet eliminatore dhe në mars do të përballet me sfidën më të rëndësishme në histori – luftën për garën e parë të madhe.
Shorti nuk është aspak në favorin e tyre. Në gjysmëfinale, ata vizitojnë Sllovakinë, dhe fituesi i kësaj ndeshjeje shkon në finale kundër Turqisë ose Rumanisë. Kryeministri në detyrë Kosovës, Albin Kurti, e ndezi edhe më tej atmosferën duke njoftuar se ekipit kombëtar do t’i paguhet një bonus i konsiderueshëm nëse eliminon sllovakët’, shkruan media kroate.
“Së pari në rast të fitores ndaj Sllovakisë, zotohemi për shpërblim në vlerë prej 500 mijë eurove’, – tha Kurti në një seancë qeveritare.
Sllovakia ende nuk e njeh pavarësinë e Kosovës, gjë që intensifikon më tej emocionet rreth kësaj ndeshjeje.
‘ Dhe së dyti, në rast të kualifikimit në Kupën e Botës, zotohemi edhe për 1 milion euro shpërblim. Përpara Kosovë, gjithmonë me ty’’, tha Kurti, transmeton media kroate.
“Periudha më e mirë e Kosovës erdhi në kualifikueset e Euro 2020, kur ata arritën një seri prej 15 ndeshjesh pa humbje, duke përfshirë një fitore ndaj Republikës Çeke në Prishtina që bëri jehonë në të gjithë Evropën
Një vend në play-off-et e Ligës së Kombeve pasoi dhe një humbje nga Maqedonia e Veriut, por ekipi la një përshtypje të fortë si një ekip kombëtar në ngritje.
Sot, me një brez lojtarësh më të fortë se kurrë, Kosova ka përsëri një mundësi historike.
Edhe pse përballen me një rrugë të vështirë përmes play-off-eve, ata në Prishtinë besojnë se është vetëm çështje kohe para se kjo skuadër të fitojë garën e saj të parë të madhe”, shkruan media kroate.
Media boshnjake “Sportport” shkroi mes të tjera:”Kurti u dha motivim të madh lojtarëve të Kosovës”.
