Kryetari i Komunës së Çairit, Izet Mexhiti, ka ndarë një status emocionues pas Koncertit Gala të 28 Nëntorit, një mbrëmje që shënoi Shkupin me art, krenari dhe shpirt kombëtar. Ai theksoi se sonte kryeqyteti u mbush me energji të jashtëzakonshme, duke sjellë një festim të paharrueshëm me rastin e Ditës së Flamurit.
Në statusin e tij, Mexhiti përshkruan koncertin si një shfaqje madhështore, të denjë për historinë dhe identitetin shqiptar. Në skenë u ngjitën figura të njohura të muzikës operistike Inva Mula, një ikonë e artit botëror, Dëshira Ahmeti Kërliu, krenaria e Shkupit, dhe Ismet Veseli, tenor me interpretim të fuqishëm të cilët, me performancat e tyre, krijuan një harmoni që elektrizoi publikun dhe ndezi emocionet në sallë.
Sipas Mexhitit, kjo mbrëmje solli një bashkim të rrallë kulturor, një atmosferë respekti dhe krenarie që nderoi sakrificat e kombit dhe ngriti artin shqiptar në një nivel të ri. Ai thekson se kjo natë do të mbahet mend gjatë si një moment festiv që i dha Shkupit shkëlqim të veçantë.
Në përmbyllje, Mexhiti u shpreh se kjo ishte një natë për artin, për shqiptarët, për flamurin dhe për kombin, duke e përkufizuar koncertin si një dhuratë të veçantë për 28 Nëntorin./press7.tv
